Sherebela shqiptare zë 65 për qind të tregut amerikan
Bimët aromatike dhe mjekësore përfaqësojnë eksportet më të rëndësishme në vend, me një vlerë prej rreth 28 milionë dollarë në vit.
Harta e eksporteve është e gjerë, nga Gjermania, Franca e Italia deri në Shtetet e Bashkuara të Amerikës, ku sherebela shqiptare zë 65% të tregut amerikan.
Por, sipas USAID, ky treg ka mundësi të rritet dhe më shumë, ndaj qeveria duhet të mbështesë sektorin me investime siç është krijimi i impiantit të sterilizimit për salmonelën.
Ministri i Bujqësisë, Edmond Panariti tha se produktet autentike do të çertifikohen si marka shqiptare, ndërsa për të rritur sigurinë do të shihet mundësia e ndërtimit të laboratorëve përmes partneritetit publik-privat.
