Bill Clinton mbush 74 vjeç/ Biberaj: Kombi Shqiptarë do t’iu jetë mirënjohës për jetë

Të dashur miq,

Sot Presidenti Amerikan, besoj më i dashur për shqiptarët Bill Clinton mbush 74 vjeç.

Jetë të gjatë dhe të lumtur Presidenti Clonton!

Une kam pasur rastin ta takoj Presidentin

Clinton në New York, dhe ka qënë një nder takimet me mbresëlënëse që kam pasur me një burrë shteti, me një politikan brilant, me një qytetar të vërtetë, me një folës magjik, me një njohës dhe mbështetës të flaktë të çështjes shqiptare. Në atë takim Presidenti Clinton me tregoi se është njohur me çështjen shqiptare që kur ka qënë fëmijë, pasi ka pasur një komshi shqiptar (shok shkolle) që i kishte shpjeguar historinë e kombit tonë, përfshirë vendimet e padrejta të Kongresit të Berlinit dhe Konferencës së Ambasadorëve në Londër, nga ku Shqipëria doli e gjymtuar, e sakatuar, pasi humbëm Kosovën, dhe më vonë humbëm trojet tona në Maqedoni, në Mal të Zi, humbëm Çamërinë si dhe Preshevën, Bujanovcin dhe Medvegjen. Në karrierën time kam pasur mundësi të takoj shumë drejtues shtetesh, por ky takim ka qënë një ndër takimet më të bukura dhe më mbreselënëse në jetën time. Clinton, një njeri shumë i thjeshtë, shumë i edukuar, shumë i komunikueshëm dhe shumë miqësor me pyeste për pjesetarët e familjes sime me emra si të kishim qënë shokë shkolle. Kam pasur rastin më vonë që të takoj edhe Hillary Clinton, një grua fisnike, një zonjë e vërtetë, që do t’i bënte nder kombit amerikan dhe botës mbarë po të nominohej për presidente nga demokratët dhe të kandidonte për presidente në zgjidhjet presidenciale të vitit 2008. Gjithsesi Hillary Clinton, me qytetarinë e saj të lindur dhe të trashëguar nga familja dhe të fituar nga edukimi i saj, mbështeti fuqishëm kandidatin për president në zgjedhjet e vitit 2008 Barack Obama, duke dhënë kontributin e saj dhe të Presidentit Clinton në fitoren historike të një afro-amerikani për herë të parë si President i SHBA-se. Kam qënë i nderuar pasi kam qënë i ftuar nderi i Presidentit Barack Obama dhe familjes Clinton në të dy ceremonitë e inagurimit të Presidentit të SHBA-së Barack Obama në vitet 2009 dhe 20013. Pas fitores së Obamës, Hillary Clinton shërbeu për një mandat gjatë presidencës së parë Obama si Sekretare Shteti duke qënë rekord në udhetimet e saj diplomatike dhe duke pasur suksese të jashtëzakonshme në politikën e jashme të SHBA-së. Presidenti Clinton, me ndërhyrjen amerikane në Kosovë në vitin 1999, na vërtetoi edhe një herë se vlerat e demokracisë amerikane janë kampion dhe universale në planetin tonë në mbrojtje të demokracisë, shtetit të së drejtës si dhe të lirive dhe të drejtave themelore të njeriut.

Faleminderit Bill dhe Hillary Clinton për atë që keni bërë dhe do të bëni për Kombin Shqiptar, i cili do t’iu jetë mirënjohës për jetë të jetëve.

Që nga rivendosja e mardhënieve diplomatike në vitin 1991 ndërmjet SHBA-së dhe Shqipërisë, për të vazhduar me vizitën mbreselënëse të Sekretarit Amerikan të Shtetit James Beker në qershorin e vitit 1991, për të vazhduar me vizitat e Sekretarëve të tjerë Amerikane të Shtetit, si dhe me vizitën që kulmon me ardhjen e Presidentit të SHBA-së George W. Bush me 10 qershor të vitit 2007, SHBA ka qënë dhe mbetet mbështetëse kryesore e demokracisë në Shqipëri dhe çështjes së drejtë shqiptare neëBallkan. Përfitoj nga rasti për të falenderuar të gjithë ambasadorët amerikanë që kanë shërbyer në Shqipëri duke filluar që nga Cristopher R. Hill, William Ryerson dhe deri tek ambasadorja aktuale Yuri Kim, të cilët kanë qënë zëri i Presidentit të SHBA-se në Shqipëri, duke na dhënë një mbështetje dhe ndihmë të  jashtëzakonshme. SHBA na ka anëtarësuar në NATO dhe po na mbështet për anëtaresim në BE.

GOD BLEES USA!