Gazeta prestigjoze “Bild”, ashtu dhe kishte paralajmëruar, ka publikuar sot një video me audiopërgjimet për blerjen e votave mes Astrit Avdylaj dhe Vangjul Dakos.
Astrit Avdylaj, koka e frupit kriminal të Avdylajve në Shijak telefonon Gjushin (Vangjush Dakon, kryetar Bashkie në Durrës). Gjatë telefonatës Avdylaj ndodhet në zyrën e rregjistrimeve të pronave në Durrës në prezencën e shefit të zyrës, Vath Alla. Në këtë përgjim duket qartë lidhja e ngushtë që Dako dhe Avdylaj kanë më njëri tjetrin.
Astrit Avdylaj e dinte që Vangjush Dako kishte qenë deri vonë në një takim me kryeministrin Edi Rama. Ai i thotë Dakos të anullojë planet e tij për të udhëtuar në Ishëm, që të sigurohet që puna e tij në zyrën e rregjistrimeve. Kryebashkiaku Dako bie dakort dhe i anullon planet.
Përgjimet:
Avdylaj: A tka zënë gjumi mbrëmë or vlla se ke taku Ramën dje, keni ndejt jeni knaq?
Dako (qesh)
Avdylaj: Ça bohet?
Dako: Mirë, mirë
Avdylaj: Ka je vllai?
Dako: Dëgjo
Avdylaj: Hë vlla
Dako: Thuaji byrazerit unë po iki tani për në Ishëm, me ata çunat atje në Lalz.
Avdylaj: Jo mo tashi se do lejm içik më vonë se jam ktu me çunat unë
Dako: Ku je ti?
Avdylaj: Te hipoteka tu prit Anin (Ani Dermishi, drejtori). A do takohesh me ti me Anin?
Dako: Ata Allat janë aty apo?
Avdylaj: Po, Vath Alla është ktu direkt me mu drejtëpërdrejtë, ktu live përballë, në tavolinë, po dëgjo tashi.
Dako: Eee, takohemi në Durrës atëherë
Avdylaj: Jo do takohemi atje. e kemi lënë orain atje vllai, mbaroi. Do takohemi atje nga dreka se sbën. Ne të mbarojmë içik punë me Anin ktu se po presim Anin, se po shkoj te bashkia vllai e të pre vllai ktu te Hipoteka.
Dako: Mirë, mirë
Avdylaj: Hajde të du fort vllai jot.
