Interi është skuadra e parë gjysmëfinaliste e Kupës së Italisë. Zikaltërit arritën të mposhtnin Romën në “San Siro”, aty ky pas shumë vitesh u rikthye për herë të parë Jose Mourinho si kundërshtar. Mbi 30 mijë tifozë mirëpritën trajnerin portugez që fitoi gjithçka me zikaltërit në 2010 ndërsa rezultati ishte i pastër 2-0 për skuadrën e Simone Inzaghit.
Menjëherë me të nisur ndeshja, Interi gjeti golin në minutën e dytë me Dzekon, pas një gabimi të Smalling i cili u preferua përpara Kumbullës si titullar.
Ndeshja ishte shumë e bukur dhe me emocione teksa zikaltërit humbasin edhe Bastonin për shkak dëmtimi. Zaniolo humbet disa raste të arta për të barazuar ndërsa Interi përgjigjet me një super gol të Alexis Sanchez që vendos dhe kualifikimin e Interit në gjysmëfinale aty ku do të luajë me fituesin e çiftit Milan-Lazio.
