Ish-deputeti i PD-së, Aleksandër Biberaj, ka reaguar pas triumfit të Joe Biden në zgjedhjet presidenciale në Amerikë.
Përmes një postimi në rrjetet sociale, Biberaj uron për fitoren Presidentit të 46-të të SHBA-së, mikut të madh të shqiptarëve senatorit legjendar Joe Biden!
Postimi i plotë
Të dashur miq,
Me fitoren në shtetin e Pensilvanisë Senatori Joe BIDEN grumbulloi deri tani 273 Vota Elektorale aq sa i duhen një kandidati për tu shpallur President i SHBA-së. Urime Senatorit legjendar me një karrierë brilante politike prej 36 vitesh në Senatin Amerikan, ish-Kryetarit të Komisionit të Politikës së Jashme të Senatit Amerikan si dhe për 8 vjet si ish-Zv. President i suksesshem i SHBA-së i Presidentit të parë afro-amerikanë Barack Obama. Biden me rezultatet e deritanishme rezulton Presidenti më i votuar i historisë së SHBA-së me rreth 75 milion vota popullore dhe me kryesimin edhe në tre shtetet e mbetura për t’u numëruar pritet të grumbullojë 324 vota elektorale, edhe ky një rekord historik. BIDEN ka qenë një nxitës dhe mbështetës i proceseve demokratike në Shqipëri edhe atëherë kur Shqipëria ishte një “burg i madh politik brenda telave me gjemba” dhe një mbështetës i ndërhyrjes ushtarake të SHBA-së dhe NATO-s për çlirimin e Kosovës nga okupacioni serb, mbështetës i pavarësisë së Kosovës si dhe i konsolidimit te shtetit te Kosoves ne rrugen e lirise, demokracise dhe prosperitetit. Edhe gjate fushates elektorale BIDEN u shpreh me nota shumë pozitive për Kosovën, duke kërkuar mos-ngutjen për arritjen e një marrëveshje të nxituar me Serbinë në dëm të interesit të Kosovës, duke respektuar statusin e Kosovës si shtet i pavarur, i lirë dhe sovran që nuk është më që nga vitit 1999 pjesë e Serbisë. URIME PRESIDENTIT BIDEN SI PRESIDENT i 46-te i SHBA-se në misionin tuaj historik në interes të popullit amerikan por edhe të paqes, sigurisë dhe stabilitetit në nivel global. Shqiptarët do t’iu jenë përherë mirënjohës për atë që keni bërë për Kosovën dhe shqiptarët e Kosovës dhe do të vazhdoni të bëni tashmë si President i SHBA-së në interes të kombit tonë! GOD BLESS YOU YOUR FAMILY AND AMERICAN PEOPLE!
