Besnik Mustafaj ka thënë në një intervistë në rubrikën “Opinion” në News24 se do të ishte harxhim energjish e spekulim, nëse do kishte një luftë për siglën e PD mes Lulzim Bashës dhe Rudina Hajdarit, e cila është vendosur në krye të një grupi nën emrin e PD. Madje, ai tha se kryeministri Edi Rama do bënte gjithçka për t’ia lënë siglën Hajdarit.
Besnik Mustafaj e ka cilësuar si të papërshtatshëm reagimin e kryeministrit Rama ndaj vendimit të parlamentit holandez për rikthimin e vizave. Ai tha se Holanda është një rast tipik i vendit që ka ndryshuar qëndrim. Angazhimi i Ramës që t’ia hedhë fajin opozitës e përkeqëson pozitën e qeverisë tek vendet europiane.
“Ka shumë rrezik që jehona që ka pasur në qarqet politike europiane, por dhe në mjediset teknike e juridike, si policia apo prokuroria ka rrezik që kjo të përhapet. Qeveria jonë, personalisht kryeministri Rama ka bërë reagimin më të papërshtatshëm ndaj kësaj, duke e akuzuar parlamentin holandez për racizëm dhe duke përdorur një term për izolacionizëm.”, tha Besnik Mustafaj.
