Ministrja e Arsimit Besa Shahini ka reaguar pas lajmeve të publikuara në rrjetet sociale se mësimi do të jetë i pezulluar deri në 9 dhjetor.
Shahini sqaron se ky njoftim është bërë nga një faqe e rremë dhe se njoftimin zyrtar për rifillimin e mësimit do ta bëjë pasi të mbyllin të gjithë analizat e vlerësimeve të infrastrukturave shkollore.
Postimi i plotë
Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore. Ndaj, MOS MERRNI në konsideratë LAJMET “FAKE” si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike.
