Ish-kryeministri, Sali Berisha, ka hedhur sot një sërë akuzash ndaj presidentit të Turqisë Rexhep Tayyip Erdogan për vizitën e tij në Shqipëri. Sipas Berishës, Erdogan erdhi dhe na kërcënoi në Parlamentin tonë. Berisha tha se Erdogan përdor fenë për të dominuar me doktrinën e tij kudo që shkon
“ Vjen këtu presidenti i Turqisë, u thotë në parlament, pasi kërcënon qytetarët shqiptarë për Lëvizjen Gulen u thotë se në vëllazëri ka rregulla. Në vëllazëri ka rregulla, mirëpo ju e dini që në doktrinën islame zhvillohet koncepti jo i kombit por i vëllazërisë.
Ne shqiptarët s’e kemi pranuar kurrë këtë e kemi pranuar islamin por jo për këtë, se po të jetë për vëllezër janë katolikët e Rrëshenit, Korçës… etj Janë ata që kanë gjak shqiptar sepse kështu kanë qenë gjithnjë për shqiptarët. Unë isha fëmijë në familje babai im praktikant mysliman por në familje festoheshin të gjitha festat. Dhe e pyesja përse i festojmë, sepse janë tanët thoshte”, u shpreh ai.
Berisha hodhi akuza se Erdogan erdhi për të bërë marrëveshje të fshehta me Ramën, madje dhe të hënën kur presidenti turk ishte në Shqipëri, ish-kryeministri e quajti vizitën e tij provokim.
