Sipas ish-kryeministrit Sali Berisha, Mimi Kodheli ndërpreu sot Komisionin e Politikës së Jashtme duke mos i lënë mundësi të pranishmeve të bënin pyetje për ministrin Ditmir Bushati në lidhje me marrëveshjen detare me Greqinë.
Përmes një postimi në Facebook, Berisha thotë se qeveria ka frikë nga transparenca dhe se deti po i shitet Greqisë dhe u bën thirrje shqiptarëve që të ngrihen fuqishëm për t’i dhënë kësaj qeverie fundin e merituar.
Statusi i plotë i Berishës:
Zografi urdhëron i tmerruar ndrikull Mimi Trafikun të mbyllë punimet e komisionit parlamentar!
Të dashur miq, Zografi i dytë, për të mbulluar aktin e tradhëtisë së tij të lartë kombëtare urdhëroi sot ndrikull Mimi Trafikun të mbyllë në mënyrën më të paskrupullt seancën e pyetjeve në Komisionin Parlamentar për Ditzi Tardhtar Bushatin për shitjen e Detit dhe pasurive përrallore të gazit dhe naftës të Shqipërisë në detin Jon.
Me aktin e sotëm banditesk, Zografi i dytë dhe Ditzi Tadhtar Bushati vetëm se faktuan se ata kanë frikë vdeksore nga transparenca, e cila nxjerr në dritën e diellit dhuratën qe i bënë Greqisë prej 1200 km katror det dhe triliona fuçi nafte dhe metër kub gaz pasuri kombëtare e Shqipërisë.
Po rikujtoj këtu se ministri i mbrojtjes i Greqisë ka deklaruar ne media se me marrëvshjen e detit me Shqipërinë zmadhohet atdheu (Greqia). Kurse Kryeministri Cipras deklaroi pas marrëveshjes me Zografin e dytë të Londrës ku vendosën copëtimin e dytë të trojeve shqiptare se zgjidhja (marrëveshja) i jep avantazh të rëndësishëm Greqisë në Zonvn Ekskluzive Ekonomike (pra zonën e naftës dhe gazit).
Me këtë raste u bëj thirrje shqiptarëve të ngrihen fuqishëm për t’i rezervuar Zografit të dytë dhe Ditzi Tradhtar Bushtatit fundin e merituar!
(BalkanWeb)
