Ish-kryeministri: Të shkojë në Kushtetuese edhe mandati i Valentina Leskajt dhe Rakip Sulit
Ish-kryeministri Sali Berisha, kërkoi nga mazhoranca që të dërgohen në Gjykatën Kushtetuese edhe mandatet e dy deputetëve socialistë Valentina Leskaj dhe Rakip Suli. Në një deklaratë për mdiat para Kuvendit, Berisha ritheksoi qëndrimin e tij për shkrirjen e parlamnentit pasi përsëriti akuzat ndaj mazhorancës së drejtuar nga Edi Rama.
“Prej tre javësh vazhdon bllokimi i vendimit të Gjykatës Kushtetuese. Këta deputetë që kanë përdorur mandatin për fitime vetjake nga pasuritë publike, duhet të dorëzojnë menjëherë mandatin. Kjo është një nga situatat më të rënda në vend. Një situatë të cilën në vende të tjera, por jo në Shqipëri, garant i zbatimit të vendimeve të Gjykatës Kushtetuese është Presidenti i vendit. Këtu është e shkruajtur se është Gjykata Kushtetuese. Situata është dramatike. Parlamenti meriton vetëm një qëndrim: shkrirjen e menjëhershme të tij. Në kushtet kur Parlamenti ka konsumuar aktin më të rëndë, grushtin e shtetit, ky Parlament nuk meriton të vazhdojë më”, tha Berisha.
