Tjetër akuzë e kryeministrit për marrëdhëniet e ministrit të Brendshëm me të arrestuarin Emiljano Shullazi
Ish-kryeministri, Sali Berisha, tha sot se babai i ministrit të Brendshëm është kontrabandist i përzier në pazare me shullazët, të cilët sipas tij i vendosën edhe tritolin në farmaci.
“Po kush e vendosi tritolin? Jua them unë për tritolin tek farmacia e Tahirit u arrestuan 7 vetë, por vetëm një mendje idioti mund të thotë se 7 vetë u morën. Zotëria hapte fjalën se një nga Gjutajt ka tradhëtuar Gjutajt e tjerë duke dëshmuar kundër tyre, por tani ata kanë dalë jashtë.”
Berisha lexon letrën e një oficeri policie që mori pjesë në hetimin e atentateve.
“Gjatë hetimeve arritëm në konkluzionin se tritolet i vendosi banda e Shullazëve. Sapo e mori vesh ministri më largoi nga hetimi dhe më pas më transferoi në një rreth tjetër dhe unë sot jam jashtë policisë. Saja nuk shkonte në prokurori, sepse Gjutajve u kishte dërguar Shullazin. Dhe hynë në negociata për ta mbyllur këtë punë. Po pse i arrestoi Gjutajt, sepse para zgjedhjeve Gjutajt e kishin shtrirë përtokë dhe rrahur në mënyrën më të egër”, tha Berisha.
