“I tha një diplomati se kriminelët që i ka pranë ia mora Berishës se veriorët kështu qeverisen”
Ish-kryeministri Berisha ka lëshuar një akuzë tjetër të fortë ndaj Edi Ramës. Sipas Berishës, Rama i ka thënë një ambasadori të rëndësishëm se veriorët qeverisen vetëm nga kriminelët dhe se këta kriminelë që janë në grupin e PS-së, ia kishte marrë Berishës. Ish-kryeministri ka theksuar se asnjë kriminel nuk mund të gjendet as në grupin aktual të PD-së, as në listën e 140 deputetëve të kuvendit por as në kuvendet e mëparshme prej vitit 1991.
“Është njeri antikombëtar. I thotë një ambasadori të një vendi kryesor se ata, (për veriorët) kështu qeverisën dhe unë ata kriminel ia kam marrë Sali Berishës. Unë e sfidoj këtu para të gjithëve, do ta sfidoj edhe para gjithe botës; Gjej qoftë dhe një të vetëm, qoftë dhe një të vetëm, jo tani por nga 1991 deri më sot, në listat e deputetëve të PD që mund të kenë bërë vrasje, ptrostirucion dhe krime të tjera dhe unë dorëzoj mandatin tim. Një të vetëm, po të përdorësh me mashtrime të tilla është një akt i ulët”, tha Berisha.
