Reagon kryeministri: Jam i impresionuar nga avokatia që i bërë Ministrit të Drejtësisë, të sygjeroj të bësh edhe avoktatin e LSI
“Njeriu që po mban peng Byronë Kombëtarë të Hetimit e ka emrin Edi Rama dhe i gënjen të tjerët e thotë s’ma pranon Ylli Manjani”, kështu deklaroi ish-kryeministri Berisha në fjalën e tij në seancën e sotme parlamentare. Sipas Berishës, ministri i drejtësisë, Ylli Manjani, pranon formën që ka sugjeruar Komisioni i Venecias. “ Ylli Manjani thotë atë që ka thënë dhe Sali Berisha dhe Pandeli Majko dhe çdo deputet tjetër. Do të thotë këtu atë që ka thënë Komisioni i Venecias dhe nuk mund të thotë Edi Rama kryehetues, Edi Rama kryeprokuror, Edi Rama kryegjykatës. Çfarë ka Byroja e Hetimit? Absolutisht ligji që kanë përpunuar ekspertët amerikanë përputhet terësisht duke marrë parasysh edhe vërejtjet e Venecias, me vendimin e gjykatës Kushtetuese të Shqipërisë.Kush e pengon thoni ju? Kryetari i PD-së i ka thënë faktorit ndërkombëtar:Silleni menjëherë ta votojmë. Edi Rama u thotë jo s’më lë Ylli Manjani. Po pse Kryeministër që të pengon një Ministër, zotëri Kryeministri ka një rregull po ti nuk je Kryeministër.Ministri që nuk zbaton vullnetin e Kryeministrit, i thuhet mirupafshim. Po si thua dot, se ti e do për veten tënde Byronë, nuk e do për hetimin. Se Byroja e Hetimit do të fillojë me Surrelin, do të fillojë me pallatin 5 katësh”, tha Berisha.
Në përgjigje të deklaratave të Berishës, Rama është përgjigjur me ironi kur theksoi se ishte impresionuar nga avokatia që Berisha i bën ministrit të LSI-së, Ylli Manjani. Rama i sygjeron Berishës të bëhet edhe avokat i LSI në çështjen gjyqsore me gazetën e PD-së, Rilindja Demokratike.
