Një nga mënyrat për të larhuar Edi Ramën, sipas ish-kryeministrit Sali Berisha janë protestat. Nga “Foltorja” e Korçës, Berisha tha se Rama nuk ikën nga pushteti me votat që kontrollon vetë. Ish-kryeministri u bëri thirrje demokratëve që të ringrihen.
“Edi Rama nuk ikën nga pushteti me votat që kontrollon ai vetë, as me opozitë pupël, ai ikën me protesta të fuqishme për të zezat që i ka bërë këtij vendi. Prandaj ne duhet të ringrihemi. Ne përsëri po bëjmë një figurë jo të mirë sepse ne po tregojmë se nuk kemi tolerancë për fjalën. Ish-kryetari përjashton deputetin, shpall takime të tilla si anti-aemrikane. Çmendurira t’i quash është pak. Ish-kryetari nuk vjen dot tek ju sepse ka humbur lidhjen me ju. Çfarë duhet të bëjmë ne? Ne do të kemi një parti sovrane. Në pushtet ne nuk vijmë nëse nuk jemi forcë sovrane. Nëse vendimet për ne i merr dikush tjetër ne ta harrojmë se vijmë në pushtet. Vijmë tek problemi konkret. Unë u deklarova non-grata kur kisha 8 vite që isha larguar nga çdo qeverisje, kur ndaj meje nuk ka asnjë fakt dhe 3 javë pas humbjes së zgjedhjeve. Edhe kryetarit i thashë mos u përzini në këtë çështje”-tha Berisha.
