Në një prononcim për mediat pak më parë ish-kryeministri Sali Berisha ka dhënë një mesazh për demokratët që refuzuan ftesën dhe nuk morën sot pjesë në Kuvendin e PD. Berisha tha se së pari me rëndësi është që sot në Kuvend kishte me qindra delegatë, madje kishte dhe nga ata që para 6 marsit mbështesnin Lulzim Bashën.
Sakaq, ai tha se PD është një tren që vazhdon e nuk ndalet, madje ka plot vend edhe për ata që do duan t’i bashkohen më vonë. “Sot kishte qindra delegatë. Aty në listë kishte dhjetëra të propozuar për anëtarë të Këshillit Kombëtar nga ata që para 6 marsit qëndruan në një pozicion tjetër. Detyra ime, përqëndrimi im total ka qenë bashkimi i bazës. Ju e shihni. Jeni dëshmitar, xhirot e ish-kryetarit për të kuptuar sesa e bashkuar është sot PD në bazë. Për deputetët- Një pjesë e mirë ishin, të tjerë nuk ishin. Ky tren nuk ndalet. Është treni shpëtimtar i Shqipërisë. Nuk ka kohë që të ndalet. Kush do që ti bashkohet është i mirëpritur”, u shpreh ai.
