Përjashtimi nga Kuvendi, Berisha: Vendimi -dhuratë” për Shullazin
Ish-kryeministri Sali Berisha duke i qëndruar deklaratës së tij për armët ka sqaruar se thirrja e tij ishte për të gjithë qytetarët e jo vetëm për demokratët. Sipas ish kryeministrit armatosja është një praktikë që garantohet me kushtetutë në SHBA dhe në shumë vende demokratike europiane. Në emisionin “Studio e Hapur”, Berisha foli edhe për përjashtimin e tij nga Kuvendi, akt që ndoqi deklarimet e tij për armatosjen. Berisha deklaroi: “Eshtë koha e shullazëve, është koha e krimit të organizuar ndaj dhe vendimi për përjashtimin tim është një dhuratë ndaj Shullazit. Shullazin e arrestuan policët gjyqësorë të prokurorisë nderkohe qe policia e pengoi hetimit. Eshtë krijuar koorporata e krimit të organizuar qeveritar”.
Ja disa nga deklarimet e ish kryeministrit Berisha:
Eni Vasili: Propozimi juaj është serioz kur flisni për annatosjen?
Sali Berisha: Jemi në një koncept që ndan ditën nga nata, sistemin e vlerave me atë të antivIerave. Amendamenti i dytë i kushtetutës amerikane. Por gjer sot është në fuqi. Momenti më madhështor i kushtetueshmërisë së njerëzimit. Ka një vend në Europë që ka udhëhequr me shembullin e zhvillimit të sigurisë dhe lirisë, dhe është Zvicra. Ky vend është vendi më i armatosur i botës nga qytetarët e saj, sepse është vend demokratik. Cilat janë demokracitë më stabël sot? Janë Norvegjia, një nga vendet më të armatosura, por edhe një nda vendet më të qeta, Finlanda, Suedia, Çekia. Në deklaratën time thashë që qytetarët shqiptarë të armatosen, jo demokratë armatosuni, as mazhoritarë armatosuni, sepse sot në mënyrë absolute nuk ka qytetar përveç qeveritarëve që ka sigurinë minimale. Çdo ditë marr pafund mesazhe. Kam marrë mesazh nga një qytetar në fshatin Marrash, kur hajdutët shkojnë i vjedhin bagëtinë. Të tilla mesazhe marr nga të katër anët e vendit. Policinë e ka marrë krimi, e ka marrë Saje Qorri, e ka marrë Shullazi. Unë kërkoj nga çdo shqiptar që të mendojë për këto probleme, sesa të rënda janë. Depot i hapën qytetarët. Problemi është se nqs shteti nuk i del zot qytetarit nuk i garanton jetën pronën, atëherë qytetari në çdo vend të botës duhet të mbrojë pragun e shtëpisë. Ne po ecim në një situatë të vështirë.
Eni Vasili: A rrezikon kjo deklaratë të destabilizojë?
Sali Berisha: Nuk ka patur kombe për kapita që të ketë patur më shumë armë se shqiptarët gjatë kohës otomane, apo para luftës, dhe nuk i kanë përdorur kundër njëri-tjetrit.
