Një 32-vjeçar në Tepelenë është arrestuar, pasi është kapur duke përgatitur një sipërfaqe toke për të mbjellë lëndë narkotike. Në pranga është vënë E. S., 32 vjeç, banues në Memaliaj.
Sipas policisë, i riu kishte shpyllëzuar një sipërfaqe toke në pyllin e fshatit Zhapokikë, Memaliaj, dhe po e përgatiste për të kultivuar fidanë të dyshuar narkotikë cannabis sativa, të cilët u asgjësuan.
Gjatë kontrollit në banesën e tij, u gjet dhe u sekuestrua një armë elektroshok, të cilin ky shtetas e mbante pa leje. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
