Një 46-vjeçar nga Berati ka kallëzuar në polici se është kërcënuar me armë nga tre persona, në mënyrë që ai mos marrë pjesë në fushatë për një subjekt politik.
Sipas policisë shtetasi që ka bërë kallëzimin është me iniciale K.SH.
Njoftimi i policisë Berat
Më datë 16.06.2017, shtetasi K.Sh 46 vjeç, banues në Berat, kallëzon se në lagjen ‘’Uznovë”, është kanosur me armë zjarri nga shtetasit G.T, G.M dhe R.T, me qëllim që ky shtetas mos të angazhohej në fushatën elektorale të një subjekti politik. Po punohet për dokumentimin e plotë të kësaj ngjarje dhe kapjen e autorëve.
