Tre pjesëtarë të një familje janë aksidentuar rëndë në Berat si pasojë e një aksidenti në të cilin është përfshirë edhe drejtori i Doganës
Aksidenti ndodhi mesditën e sotme në aksion nacional Berat- Lushnjë, në dalje të Urës Vajgurore.
Policia bën me dije se një mjet tip Benz me targa AA 843PE, që drejtohej nga Drejtori i Doganës në Berat, Mirjan Prifti, është përplasur me mjetin tip Opel, që drejtohej nga 19 vjeçarja me inicialet A.T.
Gjatë përplasjes mjeti tip Opel ka dalë krejtësisht nga rruga dhe ka goditur bordurën mbrojtëse. Për pasojë janë plagosur të tre personat që ndodheshin në automjetin që drejtonte 19 vjeçarja dhe menjëherë janë dërguar në spitalin rajonal të qytetit të Beratit.
Drejtoria e Policisë së Qarkut të Beratit ende nuk ka konfirmuar asgjë në lidhje me ndonjë shoqërim të mundshëm të Mirjan Priftit, i cili sipas policisë ka marrë vetëm lëndime të lehta.
