Pesë persona janë arrestuar nga policia e Beratit pasi dyshohen për veprën penale të vjedhjes.
Të arrestuarit janë shtetasit Ardit Pajo dhe Blerim Rapi, 23 dhe 36 vjeç, i pari nga Ura Vajgurore ndërsa i dyti nga Berati, pasi u kapën në flagrancë duke vjedhur naftën e makinerive të cilat i kishin në ruajtje.
Policia e Beratit bën me dije se nën arrest janë vënë edhe 3 adoleshentë të moshave 16-18 vjeç, të cilët janë kapur teksa vidhnin sende dhe materiale ndërtimi në një ndërmarrje private.
Materialet në ngarkim të pesë të arrestuarve i kanë kaluar Prokurorisë së Beratit për veprimet e mëtejshme në lidhje me veprën penale të “vjedhjes”.
