Në afërsi të qytetit Liezh, në Belgjikë kanë humbur jetën në një aksident të rëndë hekurudhor 3 persona dhe 40 të tjerë janë lënduar. Numri i viktimave mund të rritet pasi një tren pasagjerësh është përplasur me një tren mallrash, që udhëtonte me 90 km për orë, bën të ditur agjensia e lajmeve gjermane DPA.
Evakuimi i të lënduarve ka qenë mjaft i vështirë nga punonjësit e shpëtimit, pasi vagonat e trenit ishin shkatëruar. Si pasojë punonjësit kanë mbetur të ngujuar në këto vagona. Shkaku i aksidentit ende nuk bëhet i qartë.
