Roland Bejko ka reaguar pas akuzave ë deputetit të Partisë Demokratike, Tritan Shehut, i cili hodhi një sërë kritikash dhe ironish për emërmin e Bejkos si drejtues politik në Gjirokastër. Bejko shkruan në një postim në Facebook, se Shehu qenka mërzitur shumë nga vendimi mirëpo ka qenë njeriu më pak i votuar nga anëtarët e partisë, sipas tij kjo lëvizje ishte e vonuar. Ndër të tjera, ai thekson se deputeti shkruan paçavrue, e se prej 9 shtatorit ka marrë ushtën e mburojën e po lufton me mullinjtë e erës së bashku me Berishën.
“Të nderuar miq, Vura re se caktimi im si Drejtues Politik i Qarkut Gjirokastër sot nga Kryetari i PDSH z. Lulzim Basha e paska mërzitur shumë Tritan Shehun, deputetin e emëruar dy herë në krye të atij Qarku në mënyrën më spekullative të mundshme nga dy bashkëkryetarët e PD gjatë këtyre tetë viteve në opozitë. Si në 2017, ashtu edhe në 2020, Tritan Sheu ka qenë njeriu më pak i votuar nga anëtarët e partisë në Gjirokastër si kandidat për kandidat për deputet. Ndërsa unë kam qenë më i propozuari prej tyre. Po edhe të tjera figura lokale e qendrore kanë qenë para tij. Por edhe në mos të isha unë në atë pozicion, dikush tjetër duhet të ish në krye të atij Qarku, por ai, jo. Ky ishte një gabim i korrigjuar me të drejtë nga z. Basha, por vonë e me shumë kosto për PD-në”, shkruan ai.
Ditën e djeshme deputeti i Partisë Demokratike, Tritan Shehu reagoi pasi kryedemokrati Lulzim Basha mori vendimin që ta largonte nga Gjirokastra si drejtues politik e ta zëvendësonte me Roland Bejkon. Në një postim në Facebook, pas marrjes së këtij vendimi, Shehu shkruan se Basha, të cilin e quan deputet po kërkon tu imponohet demokratëve, kur në fakt është shkarkuar me vendim të Kuvendit të mbajtur më 11 dhjetor.
