Kryetari i Partisë Demokratike, Lulzim Basha i ka bërë thirrje kryeministrit Edi Rama që të votojë vettingun në politikë, ndërsa u shpreh i gatshëm që ky proces të nisë nga ai.
Nga foltorja e Kuvendit, Basha tha se ndryshe nga herët e tjera, ky proces mos të nis nga më plaku, duke shigjetuar në një farë mënyrë ish-kryeministrit Sali Berisha, duke theksuar se të nisë nga ai dhe më pas Rama.
“Meqë pretendon se nuk i njeh banditët me të cilët bërë masakrën zgjedhore, meqë pretendon se nuk ke pasuri të paligjshme, meqë pretendon të kundërtën dhe më thotë mua; “mendohu mirë”. E di ç’ke; bëhu burrë dhe votojë vettingun e politikanëve. T’i marrim me radhë. Ndryshe nga të tjerat, mos ta fillojmë nga plaku, e nisim nga mua dhe pastaj i dyti bëje ti. Nga i pari te i fundit në këtë sallë. E ke fare të thjeshtë, Do t’i japësh fund këtij monologu që bën këtu ku ka shteruar mundësia që të thuash të njëjtat gjëra; voto vettingun.”, tha Basha.
