Kryetari i Partisë Demokratike, Sali Berisha kërkon ndërhyrjen e Bashkimit Europian për aferën e Portit të Durrësit. Berisha u shpreh se BE duhet të nisë hetimin për të bërë gjithçka duhet që porti të mbetet port strategjik i rajonit dhe i BE-së.
Në një deklaratë nga selia blu, Berisha i kërkoi kryeministrit Edi Rama të heqë dorë nga ndërtimit i “Dubait të familjes në Durrës”, ndërsa e akuzoi se do të përvetësojë 1 mln metër katror truall për ndërtime.
“I kërkoj Edi Ramës që të heqë dorë nga përpjekjet për ndërtimin e Dubait të familjes së tij në Durrës. E garantoj që ajo nuk do mund të ndodhë dhe i kërkoj Al Alabarit të heqë dorë dhe të mos përdoret nga kryeministri më i korruptuar në të gjithë kohërat në Shqipëri. I kërkoj BE të nisë një hetim rreth aferës korruptive të portit të Durrësit dhe të bëjë gjithçka që ky port të mbetet port strategjik i rajonit dhe BE-së”, deklaroi Berisha.
