“Kuvendi i Kosovës e ka zgjedhur Hashim Thaçin si president të Kosovës, në një atmosferë të tensionuar dhe përçarëse”
Ekstremisht shqetësues e konsideron, Bashkimi Evropian, situatën në të cilën e zgjodh Hashim Thaçi president i Kosovës. Përmes një deklaratë, Bashkimi Evropian thekson: “Kuvendi i Kosovës e ka zgjedhur Hashim Thaçin si president të Kosovës, në një atmosferë të tensionuar dhe përçarëse. Skenat që i kemi parë dje në kuvend me këtë rast janë ekstremisht shqetësuese. Aktet e dhunës në çfarëdo forme dhe nga çdokush janë të papranueshme dhe se retorika nxitëse vetëm e thellon ndarjen dhe e vështirëson dialogun”.
Bashkimi Evropian thekson gjithashtu se pret që liderët politikë të Kosovës të veprojnë në mënyrë të përgjegjshme dhe në mënyrë kolektive t’i ulin tensionet.
Hashim Thaçi u zgjodh dje president i Kosovës në raundin e tretë të votimit. Ai nuk mundi të marrë 80 votat e nevojshme në dy raundet e para ndërkohë që jashtë sallës së kuvendit ishte një atmosferë e tensionuar për shkak të protestave të opozitës.
