Dalja nga Bashkimi Europian ka sjellë përplasjen e parë mes BE-së dhe Anglisë.
Sipas asaj që raportojnë mediat angleze, BE i ka bërë presion kompanisë farmaceutike, AstraZeneca që të prodhojë më shumë doza të vaksinës kundër koronavirusit në mënyrë që të furnizojë nevojat e shteteve anëtare të saj.
BE mendon se po trajtohet si kliente e klasit të dytë, pasi një numër shumë i vogël i vaksinave do t’i jepen në krahasim me atë se çfarë kishin porositur dhe rënë dakord me kompaninë.
Po ashtu BE hodhi dyshime se vaksinat e saj po i jepeshin Britanisë, çka ka sjellë edhe tension mes dy palëve. AstraZeneca ka paralajmëruar se do të jetë në gjendje të japë vetëm 25% të dozave të planifikuara për tremujorin e parë të 2021.
Në të njëjtën kohë, kompania siguroi qeverinë britanike se do të përmbushë premtimin e saj për të dhënë 2 milionë doza në javë për banorët e Mbretërisë së Bashkuar.
