Bashkia e Tiranës i përgjigjet apelit të qeverisë për të rritur pagat për punonjësit e vet dhe për të gjithë ata që punojnë në sektorin publik. Kreybashkiaku Erion Veliaj ka përjashtuar veten nga rritja e pagës.
Nga vendimi i miratuar në Këshillin Bashkiak është se nga rritja e pagës përfitojnë më shumë nivelet më të ulëta të pagave
Veliaj deklaroi se ky vendim është dhe një vlerësim për të gjithë punonjësit e bashkisë, veçanërisht ata që bëjnë dhe punët e rënda.
“Është një mënyrë për të vlerësuar punonjësit e pastrimit, të gjelbërimit, ata që çdo ditë shtrojnë pllaka dhe asfalt, ata që çdo ditë hipin mbi kosh për të ndërruar poçat e siguruar që meremetohet i gjithë ndriçimi, ata që merren me kanalizime e pastrimin e ujërave të zeza të gjithë pusetave të Tiranës, ata që merren me mirëmbajtjen e kopshteve, shkollave e çerdheve”, tha Veliaj.
