Bashkia Kamëz dhe kryetari i saj, Xhelal Mziu në nderim të ushtarakes shqiptare, Zarife Hasanaj ka vendosur që kopshti i fëmijëve në Fushë-Kërçik, Babrru të mbajë emrin e dëshmores së kombit.
Kujtojmë se nëntetarja, Zarife Hasanaj humbi jetën pak javë më parë nga shpërthimi i një granate në Letoni.
Njoftim zyrtar
Bashkia Kamëz nëpërmjet këtij njoftimi zyrtar fton të gjitha mediat vizive (televizonet kombëtare dhe të tjera) si dhe ato të shkruara të marin pjesë në ceremoninë e përurimit të kopshtit të fëmijëve me emrin e dëshmores së Atdheut nëntetares “Zarife Muharrem Hasanaj” në Fushë-Kërçik, Babrru, me date 29-05-2019 ora 10:30.
Bashkia Kamëz krahas mediave vizive dhe ato të shkruara, fton cdo qytetar të territorit Bashkisë Kamëz edhe më gjërë për tu bërë pjesë e rëndesishme e kësaj ceremonie me përmasa kombëtare.
