Bashkia e Tiranës ka gjobitur me 20 mijë lekë PD pasi një nga protestuesit urinoi përpara Kryeministrisë.
Kryetari i Bashkisë së Tiranës Erion Veliaj ka bërë publik edhe gjobën të vendosur nga Policia Bashkiake për PD, pasi ky është një gjest që sipas Veliaj përsëritet për të pestën herë.
“PD gjobitet për të 5-ën herë për organizime të urinimit publik! Si dhe më parë, paratë do t’i merren direkt nga llogaria! Imagjino ç’alternativë qeverisëse është një parti që i shpëton në brekë! Hipokrizia e “Mbro Teatrin” duket qartë tek ndërtesa e Gherardo Bosios”, shkruan Veliaj.
Ndërkohë, nga ana tjetër nënkryetari i PD, Edi Paloka e ka cilësuar këtë moment si “dashurinë” e shqiptarëve për kryeministrin.
MIRËMËNGJES dhe me këtë foto që shpreh gjithë “dashurinë” e shqiptareve për Edvinin , ju uroj një ditë të mbarë!”, shkruan Plaoka.
Ndërsa në një postim të dytë ish deputeti ka dhënë edhe reagimin e tij lidhur me gjobën nga bashkia.
“Edhe velina e bashkisë tallet me Edvinin. Ja menyra që ka zgjedhur për t’i kujtuar atje ku është, se mbremë protestuesit e pshurrën…???”, përfundon Paloka.
