Kryebashkiaku Erion Veliaj ka deklaruar se në 7 marsin e vitit të ardhshëm Tirana do të ketë gati të rindërtuar shkollën 9-vjeçare “Kosova”.
Veliaj uroi gjithë mësuesit për festën ndërsa njoftoi se gjatë vitit do të ndërtohen në tërësi 20 shkolla të reja.
“Do të ndërtojmë shkollën Kosova, e cila do të jetë tre herë më e madhe se ç’ka qenë, që jo vetëm të akomodojë të gjithë nxënësit e vet, por edhe shumë nxënës të tjerë që sigurisht do i presim me krahë të hapur. Ky të jetë 7 marsi i fundit që takohemi jashtë shkollës “Kosova” dhe 7 marsin tjetër ta festojmë në shkollën e re. Kemi bërë një projekt për ndërtimin e 20 shkollave në gjithë Tiranën. Ca shkolla kanë filluar, si “Hoxha Tahsin” dhe “Betim Muço” në Kombinat, gjithashtu një shkollë e re po ndërtohet edhe te Bregu i Lumit, por besoj se pas kaq vitesh, i kemi kthyer dinjitetin një prej shkollave më të mira të Tiranës që është shkolla jonë Kosova”, tha Veliaj.
Veliaj tha se nesër kemi edhe një festë tjetër, festa e nënës, e motrës, egruas. Bashkia e Tiranës, për të gjitha nënat e vajzat që do përdorin autobusin dhe transportin publik, do jetë falas.
