Bashkia e Tiranës ka vënë sot në funksion një linjë të posaçme autobusësh urbanë, e cila do të jetë zgjatim i linjës ekzistuese Materniteti i Ri-Qendër.
Kryebashkiaku Erion Veliaj, vlerësoi se me shtimin e automjeteve dhe kontrollit të vazhdueshëm, transporti urban në Tiranë ofron shërbim më të mirë.
Veliaj tha se linja ekzistuese ka pësuar rritje në flotën e automjeteve, duke rritur frekuencën e mbërritjes në stacione.
“Për të krijuar infrastrukturën e duhur që kjo linjë të funksionojë lirisht dhe pa vonesa do të bëhen edhe disa ndërhyrje të nevojshme në zgjerimin e rrugëve dhe heqjen e pengesave në pikat ku ka vështirësi“, tha Veliaj.
“Do të duhet të tërhiqen aty ku e kanë pronën e tyre, që më pas korsia tjetër të jetë e dedikuar për autobusin. Megjithatë, në komunitet ka qenë fantastik”, theksoi Veliaj.
Linjat do të funksionojnë në mënyrë lineare me alternim orari, si dhe ka 17 mjete në inventar, nga 11 që ishin para fillimit të riorganizimit.
