Kreu i PD-së Lulzim Basha ka qenë sot në zonën e Divjakës ku ka pasur takime të ndryshme me banorët e zonës.
Ata shprehet se ky vit për ta është një vit thuajse i zi. “Nga ky moment që po flasim kam zero rezervime”, shprehet ai.
Ndërkohë Basha u shpreh se situata e krijuar nuk është për shkak të mungesës së standardeve, por sipas tij bizneset nuk kanë marrë mbështetjen duhur nga qeveria.
Në videon e realizuar duke përshkruar Divjakën, Basha tha ndër të tjera për krizën ekonomike: “Hapi i parë që duhet ndërmarrë në një situatë të tillë, është stabilimi i situatës së pandemisë që deri tani ka vetëm fjalë dhe asgjë konkrete për ta kthyer së paku numrin e infektimeve në paramterave normal. Në këto kushte, BE nuk ka për t’i hapur kufijtë. Fqinjët nuk I kanë këto problem, si Greqia, Mali I Zi. I vetmi vend që ndëshkohet është Shqipëria. Tani do t’u them dhe diçka tjetër, se cili është prioriteti i kësaj qeverie, e cila në vend që t’I dedikohet çdo sekondë, çdo qindarkë për të pamundurit, e keni parë çka bërë dje? Ka dhënë koncension 1.2 miliardë euro për rrugën imagjinare Milot – Fier. Them imagjinare, sepse një pjesë e kësaj ruge është ndërtuar. E mbani mend Ramën kur thoshte rrugë rrugë rrugë…. Pra, një qeveri në ikje që jep 1.2 miliardë euro për një rrugë imagjinare . E kam thënë që qeveria e ardhshme nuk ka për të njohur asnjë prej këtyre vendimeve. E vetmja gjë që vazhdon është mbledhja e taksave pavarësisht se nuk ka asnjë ndihmë. Kjo qeveri në ikje është pakorrigjueshme”
