Basha takim me delegacionin e KiE: Mbështetja e partnerëve është jetike

Kryedemokrati Lulzim Basha reagon pas takimit me delegacionin e KiE në Selinë Blu.
Basha shkruan se u ka shprehur anëtarëve të KiE mirënjohjen për vëmendjen që ky institucion ka treguar përherë ndaj vendit tonë.
Sipas Bashës vendi ndodhet në një krizë të thellë politiken dhe ekonomike teksa shton se korrupsioni e krimi i lidhur me politikën po gërryen themelet e shoqërisë dhe shqiptarët.
Reagimi i plotë i Lulizm Bashës, pas takimit me anëtarët e KiE:
Gjatë takimit me Presidentin e Kongresit të Autoriteteve Lokale të Këshillit të Europës, Z. Anders Knape, Sekretarin e Përgjithshëm Andreas Kiefer, Presidenten e Dhomës së Rajoneve znj. Ms Gunn Marit HELGESEN, Presidentin e Dhomës së Autoriteteve lokale z. Xavier CADORET, dhe delegacionin që i shoqëronte, ju shpreha mirënjohjen për vëmendjen që ky institucion ka treguar përherë ndaj vendit tonë.
Shqipëria e cila ndodhet në një krizë të thellë politike dhe ekonomike, ku korrupsioni e krimi i lidhur me politikën po gërryen themelet e shoqërisë dhe shqiptarët po largohen çdo ditë, e ka jetike ndihmën dhe mbështetjen e miqve dhe partnerëve tanë.
Rruga për daljen nga kriza kalon nga zbatimi i standarteve demokratike europiane, forcimi i rolit të qytetarëve që nis me garantimin e votës, duke ju dhënë mundësi atyre, që të lirë nga diktati i krimit dhe paratë e korrupsionit, të vendosin për qeverinë e tyre vendore dhe qendrore sa më shpejt.