Partia Demokratike ka njoftuar sot se Flamur Noka është shkarkuar nga funksioni i tij si nënkryetar i Komisionit të Sigurisë.
Në një njoftim zyrtar nga Partia Demokratike, Lulzim Basha ia ka komunikuar vetë shkarkimin Nokës, madje edhe duke paralajmëruar për përjashtim edhe grupi parlamentar i PD-së.
Njoftimi i plotë nga PD:
Sot Kryetari i PD Lulzim Basha i ka komunikuar shkarkimin nga funksioni i Nënkryetarit të Komisionit të Sigurisë Flamur Nokës, si dhe e ka paralajmëruar për përjashtimin e tij nga Grupi Parlamentar.
Arsyeja e këtij vendimi është shndërrimi i mbledhjes së Kryesisë së Grupit në laborator të prodhimit të gënjeshtrave për të baltosur Kryetarin dhe Partinë Demokratike, duke sajuar diskutime apo qëndrime, të pathëna dhe të paqena. Këto shpifje dhe sajesa të herëpashershme dhe të përsëritura, dëmtojnë interesin e Partisë Demokratike dhe të demokratëve, duke shfokusuar vëmendjen e betejës së opozitës ndaj të vetmit kundërshtar që është armiku i Shqipërisë dhe shqiptarëve Edi Rama.
