Kreu i Partisë Demokratike, Lulzim Basha tha se Edi Rama mbrojti sot në Funeralin e Rilindjes siç e cilësoi ai shtetin e krimit që ngriti me duart e tij gjatë këtyre 4 viteve.
Gjatë një bashkëbisedimi me familjet e dëshmorëve të 2 prillit, Basha tha se Rama e di se nuk ka asnjë shans që t’i shpëtojë gjykimit me votë dhe një drejtësie të pavarur përveçse me aleancën me krimin e organizuar
“Nga funerali i Rilindjes pak km nga ky shesh i lirisë, nga funerali i Rilindjes i mbushur me njerëz të administratës që në fytyrat e tyre dallohej gëzimi dhe hidhërimi që po përcillnin rilindjen e vdekur, Edi Rama u përpoq të mbronte shtetin e krimit që me duart e tij dhe një çete kriminelësh ndërtoi katër vite, sepse për të vetëm krimi dhe aleanca me krimin e shpëtojnë nga gjykimi i popullit me zgjedhje të lira dhe të ndershme. Ai e di se nuk ka asnjë shans që t’i shpëtojë gjykimit me votë dhe një drejtësie të pavarur përveçse me aleancën me krimin e organizuar dhe narkomafien shqiptare”, tha Basha.
