Kreu i Partisë Demokratike Lulzim Basha është shfaqur sot në krahë me qytetarë nga Kukësi.
“Sapo kam pritur burrat, prindërit, baballarët nga Kukësit të cilët pasi u trajtuan në mënyrë shtazarake janë liruar me kusht ndërkohë që vazhdojnë të ndiqen penalisht. Shikojini këta njerëz, fytyrat e tyre, mungesën e ndihmës ekonomike dhe shanset për punë që iu është vënë trau tek dera. U ngritën për mbijetesën e fëmijëve të tyre. këta janë njerëzit që Rama i do në burg dhe për të cilët ka ngritur një proces politik. Jam krenar që jam sot në krah të tyre dhe që së bashku me deputetët e tjerë po hetohemi nga kjo hetuesi politike që mendon se në mënyrë të verbër mund të mbysë revoltën e njerëzve të thjeshtë. Rama frikacak i mbyllur në bunkerin e tij dhe nuk arrin të kuptojë brengën e këtyre njerëzve. Futja në bunker është edhe fundi i autokratëve të korruptuar dhe të inkriminuar. Thirrje të gjithë shqiptarëve të vazhdojmë së bashku kryengritjen qytetare. Aktin që morën qyt e Kukësit kundër padrejtësive ta vazhdojmë deri në fund për t’i dhënë fund njëherë e mirë një shteti grabitqar. Të anulohet taksa e Rrugës së Kombit. Nuk do të ndalemi deri se ta ndalet persekutimi ndaj këtyre njerëzve, dhe të shkojnë para ligjit, organizuesit e kësaj dhune ndaj tyre”, tha Basha.
