Kreu i partisë Demokratike, Lulzim Basha këtë të mërkurë ka zhvilluar takim elektoral në Korçë.
“Vetëm katër ditë na ndajë nga dita e madhe. Nga 25 prilli i ndryshimi dhe 25 prilli i fitores”, tha Basha.
Gjatë fjalës së tij ai theksoi se këto zgjedhje do të jenë fitorja më e madhe në historinë e Shqipërisë.
“Mirë se të gjej zonjë e bukur e Shqipërisë Korçë, mirë se ju gjej zonja dhe zotërinj korçarë, mirë se iu gjej rini e mrekullueshme e Korçë. Mirë se iu gjej në këtë ditë të bukur, siç ndrin dielli ndrijnë fytyrat tuaja. Katër ditë na ndajnë nga dita e madhe e korçarëve dhe shqiptarëve, 25 prilli i ndryshimit, i fitores. Dot ë jetë fitorja e çdo shqiptari, do të jetë fitorja e qytetarisë, do të jetë fitorja e Korçës, më e thellë në historinë e Shqipërisë. Tetë vitet e vështira kanë lënë vragat më të thella. Kjo perlë e qytetarisë, djep i arsimit, kulturës, artit, punës, ky vend, që ka lindur burra dhe gra që na bëjnë krenarë ndër shekuj, tetë vite me radhë është përdorur e keqpërdorur, si të ishte oborri i lodrave të një njeriu, të cilët janë pasuruar teksa fëmijët e korçarëve vuanin për bukë. Tetë vite dështime, ngecje në vend, tetë vite izolim. Nuk mbaruan as rrugën që e gjetën gati Qukës – Qafë Plloçkë. Janë ditët e fundit sepse ditën e diel ia kthejmë Korçën korçarëve, Shqipërinë shqiptarëve.
Këto vite kanë shkaktuar vuajtje të pafundme, kanë që sfida të mëdha për familjet shqiptare, motrat tona, rininë tonë, e cila ka ndjerë në palcë dhimbjen e largimit të bijve tanë në emigracion. Ata kanë vuajtur pamundësinë e shkollimit të fëmijëve. Ndryshimi troket në dyert e korçarëve. Korça e ka marrë vendimin, ia ka mbyllur dyert së keqes. E ka hapur zemrën e ndryshimit që do të vuloset të dielën duke votuar numrin 9. 9 për rininë e mrekullueshme të korës, që do të bënte krenar çdo qytet në botë. 9 për nënat tona që fshijnë lotët e dhimbjeve dhe ti rikthejmë gëzimi në sy. Nëntë për pensionistët shqiptar4ë, që për tetë vite janë më të papaguarit e Ballkanit.
Siç ndrin ky diell shndrit besimi, ndryshimi, në sytë e Korçës dhe të gjithë Shqipërisë. E shoh dhe e prek kudo, nga Jugu në Veri, e shoh në sytë e çdo shqiptari, edhe socialistëve që kanë vendosur të bëhen pjesë e këtij bashkimi të madh. Fitorja e 25 prillit do të jetë më e thellë e çdo shqiptari. Ajo i takon çdo të riu e të reje, do të jetë dita kur vota juaj do të rikthejë një qeveri të njerëzve dhe për njerëzit, do të jetë dita kur do të bëjmë realitet fuqinë e votës, duke dalë masivisht për të votuar numrin 9. Nuk ka të mbaruar, ardhja e njerëzve në këtë bulevard. Nuk ndalet marshimi ynë krahë për krahë drejt fitores, drejt ndryshimit. Këtë e ka mësuar edhe Edi Rama, ndaj këto janë ditët e fundit e krimeve dhe marifeteve e gënjeshtrave. Sot nga Korça, dua edhe njëherë të garantoj të gjithë banorët, të gjithë ata, që për tetë vite me radhë kanë besuar legalizimin falas. E dëgjuan lanin e Edi Ramës për të prishur 100 mijë shtëpi shqiptarësh. Jetën, djersën, e të afërmve tuaj në emigracion.
Kjo e keqe, dështim, troket për herë të tretë, por mbarë Shqipëria ia ka mbyllur dyert, sepse të gjithë thërrasin për ndryshim. Ndryshimi po vje me votën tuaj për numrin 9. Ne do të përmbyllim jo vetëm procesin e legalizimeve, por do të rigjenerojmë ekonominë tonë. Ulja e taksave, do i japi korçarëve, atë që dinë të bëjnë më së miri, punë të ndershme, pagë më të larta, pozitivitet, nga Korça, anembanë Shqipërisë, nga Konispoli në Vermosh. Le ta marrim fatin tonë në duart tona, masivisht ditën e diel, çdo i ri dhe e re shqiptare, për shkollimin tuaj, për arsimin tuaj, punësimin tuaj, për Shqipërinë, anëtare të BE, për hapjen e negociatave në 100 ditët e para të qeverisë tonë. Votoni numrin 9! Korça fiton, Shqipëria fiton!”, u shpreh Basha.
