Kryetari i Partisë Demokratike, Lulzim Basha ka propozuar Dritan Hajron si kandidat për kryetar bashkie në Kolonjë. Kandidati Hajro është propozuar nga Partia Agrare Ambientaliste e drejtuar nga Agron Duka.
Basha u shpreh se Hajro vjen nga një background i majtë, por ndan me ne demokratët, ndan me të djathtën shqiptare, me koalicionin tonë opozitar domosdoshmërinë e përballjes me të keqen që kemi përballë.
Lulzim Basha: “Kandidati është i propozuar nga PAA dhe i miratuar nga kryesia e degës së Ersekë është z.Dritan Hajro. Ai vjen nga një background i majtë, por ndan me ne demokratët, ndan me të djathtën shqiptare, me koalicionin tonë opozitar domosdoshmërinë e përballjes me të keqen që kemi përballë. Domosdoshmëri e qendresës, refuzimit dhe përballjes me Edi Ramën, me krimin, me drogën, me korrupsionin.
Zgjedhjet e parakohshme për Bashkinë e Kolonjës vijnë pas ndarjes së parakohshme nga jeta të kryebashkiakut Arben Malo.
