Kreu i PD-së Lulzim Basha ka reaguar sërish pas operacionit të ndërmarrë nga ana e prokurorisë dhe policisë në goditjen e disa grupeve kriminale, teksa të arrestuarit dalin sot para gjykatës.
Basha thotë se kokat e këtyre grupeve janë ende të lira sot, për shkak se ky është qëllimi i drejtësisë së Edi Ramës.
Kreu i PD-së insiston në deklaratën e bërë dhe më herët se peshku i madh i të gjitha përgjimeve që u kryen nga prokuroria është Vangjush Dako.
“3 ditë pas aksionit policor, Vangjush Dako, peshku i madh i dosjes hetimore 339 vazhdon të jetë i lirë,njëlloj si bosët e krimit nga Admir Hoxha tek Klement Balili dhe Lul Berisha. Nuk ka luftë kundër krimit por shkatërrim hetimesh me Ramën dhe Xhafën, garantët e krimit në qeveri”, deklaron Basha.
