Kreu i PD i kthen përgjigje Ramës po me letër zyrtare
Letra zyrtare e kryeministrit Rama për dialog me PD ka marrë të njëtën përgjigje. Por kryetari i PD në letrën e tij thotë se nuk mund të ketë dialog pa zbatim të vendimit të Gjykatës Kushtetuese, për mandatet e deputetëve. Basha i përgjigjet Ramën se nuk mund të takohen asesi për të diskutuar opsione antikushtetuese me vetëdijen se mund të mos biem dakord dhe antikushtetuetshmëria të vazhdojë si normalitet. Sipas tij një forum i këtillë nuk është asfare përmase civilizimi, por e kundërta e tij. Basha shkruan se ”“Prej kohësh opozita ka kërkuar dialog të nivelit më të lartë politik për reformën në drejtësi, e jo vetëm, ndërsa keni qenë ju dhe vetëm ju kundër. Sot ju më ftoni që mosdakordësive politike mes palëve t’i japim një tjetër forum mes qeverisë dhe opozitës si përmasë e cunguar e civilizimit”. Përgjigjen mohuese të Bashës e paralajmëroi pak orë më parë edhe deputeti demokrat Oert Bylykbashi.
