Lideri i Opozitës Lulzim Basha në takimin e zhvilluar me bizneset në Tiranë u ndal edhe te çështja e Kodit Zgjedhor.
Basha është shprehur se opozita do kontestojë çdo ndryshim pasi janë antikushtetuese.
“Shkatërrimi i institucioneve të Shqipërisë është një nga arsyet që kjo bandë e ka vjedhur dhe e ka kërdisur Shqipërinë. Hapat që duan të hedhin sot në Kuvend janë tërësisht antikushtetues dhe tregojnë tmerrin dhe frikën e Edi Ramës dhe atyre që e rrethojnë nga procesi zgjedhor.
Do kontestohet çdo hap antikushtetues si ky i sotmi që është në kundërshtim me 5 qershorin dhe standardet e OSBE, por s’ka formulë që e shpëton këtë bandë që e cilëson Shqipërinë si çifligun e saj. Ju lus mbajeni mendjen tek ekonomia, te shqiptarët që sot do e shtrojnë vaktin e radhës vetëm me bukë. Kjo është emergjenca kombëtare, hajdutët s’ka gjë që i shpëton”
Nuk ka formulë që ta shpëtojë Edi Ramën nga ndëshkimi popullor. Sikur vetëm për premtimet e pa mbajtura dhe efektin që kanë pasur, Edi Rama do të largohet me votë plebishitare. Nuk ka formulë që ta shpëtojë këtë bandë nga ndëshkimi i njerëzve”, tha Basha.
