Kryetari i PD, Lulzim Basha ka deklaruar se PD do të marrë pjesë në zgjedhjet e 18 qershorit, por ato s’mund të quhen zgjedhje, sipas tij, nëse blihen dhe diktohen nga krimi.
“Për ta sqaruar një herë e mirë, PD-ja nuk do t’i bojkotojë zgjedhjet. Ajo do të marrë pjesë në votime, por nëse dikton krimi, zgjedhje nuk ka. Unë flas për zgjedhje, se në Shqipëri ka pasur votime edhe në komunizëm, por jo zgjedhje”, tha Basha.
Nga Shtetet e Bashkuara të Amerikës i ftuar në VOA, Basha tha se kushti i patjetërsueshëm është largimi i Edi Ramës duke siguruar zgjedhje të lira dhe të ndershme.
“Opozita, PD dhe shumica dërmuese e qytetarëve shqiptarë as nuk do pranojnë dhe as nuk do lejojnë zgjedhje farsë dhe për këtë kushti i patjetërsueshëm është largimi i Edi Ramës duke siguruar zgjedhje të lira dhe të ndershme”, tha Basha.
