Ka përfunduar takimi mes kryeministrit të Kosovës, Albin Kurti, dhe kreut të Partisë Demokratike, Lulzim Basha.
Në fund të takimit, kryeministri i Kosovës Albin Kurti deklaroi se do të kemi bashkëpunim me të gjithë.
” Kuvend e qeveri do bashkëpunojmë, në mënyrë që Kosova dhe Shqipëria të jenë në nivel historik për qytetarët tanë, që siç e dimë janë varfërinë dhe papunësinë më të madhe në rajon. Është obligimi jonë të jemi në shërbim të qytetarëve, për të ngritur dinjitetin dhe integritetin e tyre”, deklaroi Kurti.
Basha deklaroi se prioritet mes dy vendeve janë të qarta, ndërkohë që shtoi se Kosova mund të mbështet tek PD për të marrë çdo ndihmë.
“Prioritetet tona janë të qarta për kosovarët. Do bëjmë gjithçka për të ndihmuar në lëvizjen e lirë, për të ndalur shpopullimin. Mbështetje të fuqishme për njohjen ndërkombëtare të Kosovës, ashtu si dhe heqjen e vizave. Kosovarët dhe Kurti mund të mbështeten plotësisht te PD dhe opozita e bashkuar”, u shpreh Basha.
