Pas përfundimit të mbledhjes së kryesisë së partisë Demokratike, Lulzim Basha pranoi se ka pasur edhe kritika, por theksoi se ballafaqimi dhe mendimet ndryshe shërbejnë për të ecur përpara.
Në një deklaratë për mediat, Basha tha se përmbyllja e procesit të analizës shihet si një proces nga e cili do lindë një rrugë e re për të gjithë shqiptarët.
“Falenderoj anëtarësinë që ka përmbyllur një proces analize, konsultimi, propozimesh e t’i kujtojë anëtarëve se shqiptarët e shohin këtë jo si proces brenda PD, por si proces që do lindë një rrugë e re për çdo shqiptar. Kryesia ka miratuar vendime që do i japin të drejtë cdo demokrati të kontribuojë. Do garantoj që të jetë proces i bashkimit të platformave dhe kontributeve”, deklaroi Basha.
