Kreu demokrat, Lulzim Basha ka zhvilluar sot një takim me strukturat e partisë në Vlorë.
Nga Vlora lideri i opozitës ritheksoi refuzimin e vlonjatëve ndaj Edi Ramës më 30 qershor, ku morën pjesë vetëm 14% e tyre.
Basha u shpreh se 30 qershori ishte leksioni i Partisë Demokratike që të punojë pa ndërprerje për ndryshimin e thellë dhe të vërtetë që duan shqiptarët, në mënyrë që këtë masë refuzuese ta kthejmë në një maxhorancë kombëtare për ndryshim.
Në takim lideri opozitar ishte i shoqëruar nga Sekretari i Përgjithshëm i PD, Gazment Bardhi.
“Braktisja e votimeve moniste nga qytetarët e Vlorës tregoi se ata duan të jetojnë si qytetarë europianë dhe jo si skllevër të krimit dhe korrupsionit.
Akti më i fundit kundër interesit të qytetarëve, që favorizon klientët e qeverisë, është vendimi për të rritur sërish indirekt taksën e karburantit me 200 lekë për letër.
Të tilla vendime qe varfërojnë njerezit, i fusin duart e kryeminstrit në xhepat e qytetarëve, e bëjnë të domosdoshëm largimin e kësaj qeverie të korruptuar.
Kjo është një nga arsyet pse 85% e shqiptarëve e refuzuan regjimin e Edi Ramës më 30 qershor”-tha Basha, i cili theksoi se vetëm një qeveri e dalë nga zgjedhje të lira e të ndershme, do të punojë për njerëzit, jo për klientët e kryeministrit.
