Seria e takimeve nis me Presidentin e ri Hashim Thaci
Kreu i PD, Lulzim Basha është sot në Prishtinë, ku do të ketë një ditë të ngjeshur takimesh me drejtuesit më të lartë të vendit. Seria e takimeve të Bashës nis që në mëngjes. Fillimisht kreu i demokratëve do të ketë vizitë në familjen Rugova për të vazhduar me takimin me Presidentin e ri kosovar Hashim Thaci. Deri në orën 17.15 Basha do të ketë takuar të gjithë drejtuesit e lartë të shtetit dhe politikës kosovare, për ta mbyllur vizitën e tij me një ndalesë në Prekaz dhe familjen Jashari. Kryetari i PD-së takohet me kryeministrin e Kosovës Isa Mustafa me Presidenten në detyrë Atifete Jahjaga, kreun e Kuvendit të Kosovës Z. Kadri Veseli, Kryetarin e Komunës së Prishtinës Z. Shpend Ahmeti, me Komandantin e KFOR, Kryetari i Partisë AAK Z. Ramush Haradinaj, kreun e VV Z. Visar Ymeri nsi dhe me Kryetarin e Partisë Nisma Z. Fatmir Limaj dhe Z. Behgjet Pacolli.
