“Paratë e oligarkisë duhen kthyer në ekonomi”
Kryetari i PD Lulzim Basha ka patur një bashkëbisedim me banorët e Vaqarrit e të Farkës ku e gjithë vëmendja është përqëndruar tek ekonomia dhe mirëqenia. Basha ka deklaruar se për të arritur zhvillim e mirëqenie është e domosdoshme shkëputja nga krimi dhe nga ana tjetër nxjerrja e parave nga xhepat e oligarkisë dhe kthimi i tyre në ekonominë kombëtare. “Këta erdhën me premtim “rilindje” e po qeverisin me shullazët. Këta erdhën me premtim vende pune e po qeverisin duke i nxjerrë shqiptarët nga shtëpitë e tyre e duke i çuar në emigracion. Hapi i parë është shkëputja nga krimi. Nuk është puna se të ndihmon vetëm me ardhë në pushtet po pastaj do doganat, do tenderat, do emërimet.
Në radhë të dytë është nxjerrja e parave nga xhepat e qeveritarëve të korruptuar dhe kthimi i tyre në ekonominë shqiptare, pra në xhepat tuaj. Kjo ndodh përmes votës. Votës që i trembet kaq shumë ky edhe në partinë e vet, le më para popullit. Pse i trembet votës?! Sepse e di që të dielën e ardhshme po të kemi zgjedhje të lira dhe të ndershme kjo qeveri është e rënë. Ne duhet të garantojmë zgjedhje të bra dhe të ndershme e t’i japim shqiptarëve atë që është e tyre, Shqipërinë, fondet publike, taksat e ulta, një program të fuqishëm investimesh në bujqësi, në infrastrukturë, në prodhim,”- ka deklaruar Basha.
