Kreu i Partisë Demokratike, Lulzim Basha, ka thirrur sot në një mbledhje aleatët. Raportohet se në mbledhje do të jenë të pranishëm edhe ambasadorë të BE.
Takimi do të mbahet një ditë pas protestës së Aleancës për Mbrojtjen e Teatrit dhe mësohet se do të diskutohet për vijimin e aksionit opozitar.
Një ditë më parë Partia Demokratike dhe aleatët mbështetën protestën e thirrur nga AMT. Basha premtoi se do t’i qëndrojë kontratës që ka bërë me AMT-në dhe kur të vijë në pushtet do të ndërtojë Teatrin Kombëtar siç ishte.
