Kryetari i Partisë Demokratike në Shqipëri, Lulzim Basha ka uruar Isa Mustafën, i cili sot u rizgjodh kryetar i Lidhjes Demokratike të Kosovës.
Në letrën dërguar Mustafës, veç urimit Basha i rikujton mbështetjen e PD-së, drejt një historie të re suksesi të popullit shqiptar.
Më poshtë e keni letrën e plotë të Lulzim Bashës ekskluzive për Syri.net:
I nderuar Z. Kryetar,
I dashur Isë,
Me kënaqësi mësova lajmin e rikonfirmimit tuaj me një mbështetje absolute në krye të LDK.
Dua të shpreh me këtë rast vlerësimin tim për rolin historik dhe të pazëvendësueshëm të Lidhjes Demokratike të Kosovës, si themeluese e pluralizmit politik shqiptar dhe prijëse e procesit të pavarësimit dhe shtetformimit të Kosovës.
PD dhe LDK ndajnë një histori të gjatë bashkepunimi, që ka kaluar permes sfidave të perbashkëta ndër më e kritiket të historisë e zhvillimeve të mëdha kombëtare të popullit tonë.
Shpreh bindjen se historia e përbashkët dhe bashkëpunimi i shkëlqyer mes partive tona, drejtoërsëdrejt dhe në gjirin e Partisë Popullore Europiane, është një bazë e fortë për bashkerendimin strategjik të suksesshëm, po aq i domodoshëm dhe orientues sot, për të përballuar së bashku sfidat e rë ardhmes të cilat gjithashtu nuk janë të lehta.
Me lejoni që me këtë rast bashkë me kënaqësinë për t’ju uruar punë të mbarë, t’ju rikonfirmoj mbështetjen time të plotë dhe të Partisë Demokratike për ju personalisht dhe për simotrën tonë Lidhjen Demokratike të Kosovës, drejt një historie të re suksesi të vendeve dhe të popullit tonë.
Me përshëndetjet më të përzemërta vëllazërore,
