“Ku shkojnë paratë? I mbledh ky shteti, shteti i leshit. Është më e pakta që mund t’i them.Gazetarët po më thonë mos thuaj më “shteti i leshit” por sa herë Rama ta thotë po bëjmë shtet, mbajeni mend që e ka për shtetin e leshit”- kështu është shprehur kreu i opozitës Lulzim Basha nga çadra e protestës për rritjen e taksave.
Ai shtoi se qeverisja në katër vite është bërë si telenovelat turke, ndërsa nuk nguroi ta krahasonte Ramën me një nga personazhet e telenovelave, Ezelin.
“Si quhen këto telenovelat turke, Ezeli? Po. Ezel për katër vjet, zogu, zogu, zugu, xhepat bosh, tavolinat bosh. Zogu, zogu u takuan, s’u takuan dhe dorën tek xhepi”-tha Basha.
Sa i përket arrestimit të 18 efektivëve të policisë së portit të Durrësit dhe doganierëve të Qafë Thamës, Basha tha se është provë se trafikun e drogës e bën shteti.
Basha përgëzoi aksionin e prokurorisë dhe kërkoi nga ajo të çojë deri në fund hetimet me arrestimin e ish ministrit Saimir Tahiri dhe deri tek kreu i bandës, duke iu referuar kryeministrit
“Arrestimi i 18 policëve, është provë se drogën e bën shteti. Këta e bëjnë drogën, këta 18 janë ushtarët. Çojeni deri në fund nismën me arrestimin e Saimir Tahirit dhe çojeni deri tek kreu i bandës”– u shpreh kreu i opozitës.
